Yugurish turlari bo‘yicha "Yilning eng yaxshi atleti-2025" nominatsiyasi uchun nomzodlar e'lon qilindi

Jahon yengil atletika tashkiloti (World Athletics) yengil atletika yo‘nalishlari bo‘yicha erkaklar va ayollar o‘rtasida yilning eng yaxshi atletlarini aniqlash uchun ovoz berish jarayoniga start berdi. Oldindan belgilangan reja asosida dastlab yugurish turlari bo‘yicha (track) va texnik turlar bo‘yicha (field) ovoz berish jarayonlari o‘tkazilib, finalchilar nomi aniqlandi. Navbat esa stadiondan tashqaridagi turlar bo‘yicha yilning eng tezkor atletini aniqlash uchun ovoz berish jarayoniga keldi. 

Tashkilot tomonidan stadiondan tashqari turlar bo‘yicha ayol atletlar orasida "Yilning eng yaxshi atleti" va erkak atletlar orasida "Yilning eng yaxshi atleti"ni aniqlab olish uchun 5 tadan nomzod taqdim etildi va ushbu atletlardan ikkitadan atlet final bosqichiga saralab olinadi. Ovoz berish jarayonining bir qismi (umumiy ovozlarning 25%i ulushi bilan) tashkilotning ijtimoiy tarmoqlardagi sahifalarida "like"("yoqdi") bosish (instagram va facebook'da) va "repost"("qayta e'lon qilish" faqat X'da) qilish ko‘rinishida olib boriladi.

Nomzodlar yengil atletikadagi ortda qolib borayotgan yana bir esda qolarli yil davomida erishilgan eng yorqin natijalarni qo‘lga kiritgan atletlar orasidan tanlab olindi. Bu yilgi natijalarning eng cho‘qqisi yengil atletika turlari bo‘yicha Jahon Chempionati Tokio—2025'da qayd etildi.

Yugurish turlari bo‘yicha ayollar orasida "Yilning eng yaxshi atleti" sovrinini qo‘lga kiritish uchun nomzodlar (alifbo tartibida):

Femke Bol — Niderlandiya

• 400m g‘ovlar osha yugurish bo‘yicha Jahon va Brilliant Liga chempioni
• Yil davomida 400m g‘ovlar osha yugurishda yengilmas atlet, yilning eng yuqori 3 ta natijasi sohibasi

Beatris Chebet — Keniya

• 5000m va 10,000m yugurish bo‘yicha jahon chempioni
• 5000m yugurish bo‘yicha jahon rekordi

Melissa Jefferson-Vuden — AQSh

• 100m va 200m yugurish hamda 4x100 estafeta bo‘yicha jahon chempioni
• 100m yugurish bo‘yicha yengilmas atlet, yil davomida eng yuqori 5 ta natija sohibasi

Feyt Kipyegon — Keniya

• 1500m yugurish bo‘yicha jahon chempioni va 5000m yugurish bo‘yicha Jahon Chempionati kumush medali sohibasi
• 1500m yugurish bo‘yicha jahon rekordini o‘rnatgan

Sidni Maklaflin-Levron — AQSh

• 400m yugurish va 4x400m estafeta bo‘yicha jahon chempioni
• 400m yugurish va 400m g‘ovlar osha yugurishda yengilmas atlet, 400m yugurish bo‘yicha davrlarning ikkinchi raqamli eng tezkor atleti

Yugurish turlari bo‘yicha erkaklar orasida "Yilning eng yaxshi atleti" sovrinini qo‘lga kiritish uchun nomzodlar (alifbo tartibida):

Ray Benjamin — AQSh

• 400m g‘ovlar osha yugurish bo‘yicha jahon chempioni
• 400m g‘ovlar osha yugurish bo‘yicha eng yashi 3 natijaning 2 tasi unga tegishli

Jimmi Gresye — Fransiya

• 10000m yugurish bo‘yicha jahon chempioni va 5000m yugurish bo‘yicha Jahon Chempionati bronza medali sohibi
• 3000m yugurish bo‘yicha Brilliant Liga chempioni

Noa Layls — AQSh

• 200m yugurish va 4x100m estafeta bo‘yicha jahon chempioni va 100m yugurish bo‘yicha Jahon Chempionati bronza medali egasi
• 200m yugurish bo‘yicha yengilmas, Brilliant Liga sovrini ham shular jumlasidan

Kordell Tinch — AQSh

• 110 metr g‘ovlar osha yugurish bo‘yicha jahon chempioni va Brilliant Liga g‘olibi
• yilning eng yaxshi oltita natijasidan to‘rttasi unga tegishli

Emmanuel Vanyoni — Keniya

• 800m yugurish bo‘yicha jahon chempioni va Brilliant Liga g‘olibi
• yilning eng yaxshi oltita natijasidan to‘rttasini qayd etgan

Yugurish turlari bo‘yicha (track) "Yilning eng yaxshi atleti"ni aniqlashda Jahon yengil atletika tashkilotining Facebook, Instagram va X'dagi sahifalarida ovoz berish imkoniyati mavjud. Tarmoqlardagi ovoz berish jarayoni 19-oktabr kuni o‘z nihoyasiga yetadi.

Texnik turlar bo‘yicha (field) "Yilning eng yaxshi atleti"ni aniqlash uchun ovoz berish jarayoni 20-oktabrdan va stadiondan tashqaridagi turlar uchun esa 27-oktabrdan boshlanadi.