World Athletics talqiniga ko'ra "Yilning eng yaxshi atleti" qanday aniqlanadi?

Yilning eng yorqin atletlari nomi "World Atletics Awards 2025" taqdirlash marosimida aniqlanadi. Xuddi avvalgi yilda bo‘lgani kabi erkaklar va ayollar o‘rtasida uchta alohida yo‘nalishda — yugurish turlari (track), texnik turlar (field) va stadiondan tashqaridagi (out-of-stadium: kross va marafon turlari) yilning eng yaxshi atletlariga mukofot topshiriladi. Shuningdek, ayollar va erkaklar o‘rtasida umumiy Yilning eng yaxshi atleti sovrini egasi ham aniqlanadi.

Xalqaro mutaxassislar hay'ati tomonidan uchta asosiy nominatsiya bo‘yicha kengaytirilgan ro‘yxat tuzilgan. Har bir nominatsiyada ikki asosiy finalchini aniqlab olish uchun ovoz berish o‘tkaziladi.

Jahon yengil atletika tashkiloti Kengashi ovozi umumiy ovozlarning 50%'ini tashkil qiladi, Jahon yengil atletika Oilasi ovozi va ijtimoiy tarmoqlarda muxlislar tomonidan berilgan ovozlarning har biri 25% dan hisoblanadi va yakuniy natijaga ushbu ulushda ta'sir ko‘rsatadi.

Jahon yengil atletika tashkiloti Kengashi va Jahon yengil atletika tashkiloti Oilasi ovozlari elektron pochta orqali yuboriladi. Ijtimoiy tarmoqlardagi ovozlar esa Facebook, Instagram va X ijtimoiy tarmoqlarida to‘planadi. 

Har bir nomzod yuqorida sanab o‘tilgan tarmoqlarda post sifatida e'lon qilinadi. Facebook va Instagramda ushbu postlarga bosilgan har bir "like" (yoqdi) va X tarmog‘idagi repost bitta ovoz deb hisoblanadi.

Finalchilar nomi aniqlangach yengil atletika muxlislari worldathletics+ xizmatidagi hisoblari orqali umumiy g‘oliblarni aniqlashda o‘z hissasini qo‘shishi mumkin bo‘ladi. Eslatib o‘tamiz, mazkur jarayonda ishtirok etish uchun worldathletics+ xizmatida hisob yaratish talab qilinadi.

Jahon yengil atletika tashkilotining 2025-yil eng yaxshilarini aniqlash marosimida, shuningdek, O‘sib borayotgan Yulduz mukofotlari, Murabbiylik yutug‘i sovrini, Yil Ayoli, Yilning eng yaxshi fotografi, Eng yaxshi a'zo Federatsiya va Eng yaxshi a'zo Federatsiya Prezidenti kabi individual sovrinlar ham egalariga topshiriladi.

Muhim sanalar:
13—19-oktabr — yugurish turlari bo‘yicha eng yaxshi atletlar (ayollar va erkaklar alohida) uchun ovoz berish jarayoni boshlanadi
20—26-oktabr — texnik turlar bo‘yicha eng yaxshi atletlar uchun ovoz berish jarayoni boshlanadi
27-oktabr—2-noyabr — stadiondan tashqaridagi turlar bo‘yicha eng yaxshi atletlar uchun ovoz berish boshlanadi
3-noyabr — har bir nominatsiya bo‘yicha finalchilar nomi aniqlanadi
3-noyabr — muxlislarning worldathletics+ orqali ovoz berish jarayoni boshlanadi
9-noyabr — muxlislarning ovoz berish jarayoni yakunlanadi

Ayni paytda yugurish turlari bo‘yicha eng yaxshi finalchi atletlarni aniqlash uchun ovoz berish jarayoni barcha muxlislar uchun ochiq quyida har bir tarmoq bo‘yicha havolalarga o‘tish orqali o‘z ovozingizni berishingiz mumkin.

Facebook orqali ovoz berish ("like" bosish orqali)

Instagram orqali ovoz berish (''like" bosish orqali)

X orqali ovoz berish (repost qilish talab qilinadi)